ral gri rkang 'og bsgrub pa dang / /ril bu dang ni mkha' spyod dang / /mi snang ba dang bcud kyis len/ /gang phyir ye shes rdo rje ni/ /mnyes pas myur du thob par 'gyur/ /de phyir slob dpon drung gshegs te/ /de bzhin gshegs rnams phyag mdzad do/ /rdo rje sems dpa' ji lta ba/ /
de ltar slob dpon gzugs 'dzin to/ /sems can rjes su gzung dmigs nas/ /phal pa'i gzugs su gnas pa'o/ /slob dpon gyis ni mthar dus su/ /shi ba 'jig rten mi gnas pa/ /skyes pa glen zhing rmongs pa gang / /de 'di shi zhes smra bar byed/ /'chi ba zhes bya'i rnam
rtog gis/ /dag pa'i gnas su khyer bar byed/ /yang na bde ba can du nges/ /'dod pa'i rigs su skye bar 'gyur/ /me tog sna tshogs lag thogs shing / /sna tshogs rgyal mtshan byug pa dang / /glu yi mchod pa sna tshogs kyis/ /sangs rgyas sras dang rdo rjer bcas/ /sna
tshogs sgra dang sil snyan che/ /bkra shis tshigs bcad sna tshogs dang / /dbang gi gnas rnams nyid kyis ni/ /lus las lus gzhan 'gro bar 'gyur/ /rdo rje dril bu lag byin te/ /mgo bo'i gtsug tor mnan nas ni/ /rdo rje'i sdom pa byin nas su/ /bum pa'i dbang ni
bskur nas ni/ /mig la sogs par gti mug sogs/ /rdo rje gsum ni gnas gsum dgod/ /rdo rje thab khung rab sbyor bas/ /sbyang bar yang dag bstan pa'o/ /nyi ma dag ni gsum la ni/ /rus pa'i phreng ba bsdu bar bya/ /'o ma dri bzang bsang gtor nas/ /de yi mchod
rten yang dag brtsam/ /bcom ldan 'das kyis de skad ces bka' stsal nas/ thams cad dang ldan pa'i 'khor de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par dga'o// //
'phags pa mkha' 'gro ma dra ba'i rdo rje gur rgyud kyi rgyal po'i brtag pa rdzogs so/ //rgya gar gyi mkhan po ga ya d+ha ra dang / lo ts+tsha ba dge slong shAkya ye shes kyis bsgyur ba'o/ /

65a - 66a