thar sbyin zhi ba nyid/ /khyod rang yang ni de yi pha/ /rdo rje dang pad+ma byin gyis brlab pa'i sngags ni/ oM pat+mu su khAd+hA ra ma hA rA ga su khaM dad tsatwA rA nan+da b+hA ga pi shwa hU~M hU~M hU~M kAr+yaM ku ru Sh+wa me/ oM badzra ma hA dwe Sha tsa turA nan+da dA ya kaHkha ga mu khai ka ra so nA tha hU~M hU~M hU~M kAr+yaM ku ru Sh+wa me/ spyi bor ni
oM gyi rnam pa/ snying gar ni hU~M gi rnam pa/ ze 'bru la ni AH'i rnam pa'o/ /rgyud kyi rgyal po chen po sgyu ma'i brtag pa zhes bya ba brtag pa sum cu rtsa gnyis las phyung ba brtag pa gnyis kyi bdag nyid kye'i rdo rje mkha' 'gro ma dra ba'i sdom pa'i rgyud kyi rgyal po rdzogs so// //rgya gar mkhan po
ga ya ha d+ha ra'i zhal snga nas dag /bod kyi lo ts+tsha ba dge slong shAkya ye shes kyis bsgyur cing zhus te gtan la phab pa/ slar yang lo ts+tsha ba gzhon nu dpal gyis 'gyur chad pas bas shing dag par bgyis pa'o// //
@##/ /rgya gar skad du/ AR+YA Da ki nI badzra pany+dza ra ma hA tan+t+ra rA dzA kalpa nA ma/ bod skad du/ 'phags pa mkha' 'gro ma rdo rje gur zhes bya ba'i rgyud kyi rgyal po chen po'i brtag pa/ kye rdo rje la phyag 'tshal lo/ /nam mkha' bems bcas dang ba dang / /go skabs med dang 'byed pa dang / /sna
tshogs rdo rje'i gzhi gnas khang / /sems can khams dang yid 'ong dang / /sems can snod dang 'jig rten dang / /sa dang sa 'og bar snang dang / /yid dang lus dang ngag dang ni/ /gcig dang gnyis dang mkha' bde dang / /drug dang lnga dang drug gnyis dang / /skye 'gro rnams ni bzhi po dang / /
gcig gis nyi shur ma tshang dang / /khams gsum ma lus pa dang ni/ /pha dang bu dang ma mo dang / /phyi rol dang ni nang dang ngas/ /btsun mo kun dang chos dang ni/ /thams cad las dang bdag med dang / /'bras bu rgyu dang bya ba zhes/ /bsgrub bya sgrub thabs rdo rje dang / /de bzhin kun gzhi rnam shes dang / /
chos kyi dbyings dang ma byung dang / /mkha' yi khams dang rang dbyings dang / /bdag med pa dang bdag ces dang / /dngos po med dang dngos med min/ /bde ba can dang gru gsum dang / /a skyes dang ni skyon bral dang / /rdul bral dang ni sdig bcom dang / /dba' rlabs med pa'i rang bzhin dang / /mthar

29b - 30b