du mi'i thod pa'am/ rdza las byas pa sbyin par bya'o/ /o~M badzra ka pA la sar+b+ba sha tru NAM rak+taM d+hA ra ya d+hA ra ya hU~M phaT/ de nas bcom ldan 'das ma'i phyag rgya ru rnam par bkod nas/ de'i rnam par dmigs te/ o~M he shrI dwe Sha badzri sid+d+he s+t+waM hU~M phaT/ de bzhin du bud med ni nag
mo la sogs pa'i kha dog gi dbye bas rnal 'byor ma lnga po rnams kyi ming gi dbang bskur bar bya'o/ /'dir shes rab kyi dbang bskur ba'i gnas su thabs kyi dbang bskur ba sbyin par bya'o zhes so/ /de nas gsang ba'i dbang bskur bar gyur pa ni bla ma la slob mas gos la
sogs pas yang dag par mchod nas/ de la rang yid du 'ong ba'i gzugs dang / lang tshos brgyan pa'o shes rab ma dbul bar bya'o/ /khyod la 'di ni 'bul lags kyis/ /'dod kun bde bar rab tu stsol/ /bdag ni 'dod pa'i bde don phyir/ /mgon po khyod kyis
brtse bas zung / /de nas bla ma la phyag 'tshal nas slob ma phyir byung ste/ o~M tsaN+Da ma hA ro Sha Na hU~M phaT/ zhes pa'i sngags bzlas shing gnas par bya'o/ /yang bla mas chang dang sha la sogs pa rnams kyis bdag nyid mchod nas/ shes rab kyang tshim par byas te/ yang dag
par sbyor ba las nye bar byung ba'i dkar dmar lo ma'i skyong bu la sogs par bzhag nas slob ma bos te/ de'i lce la mthe bong dang ming med kyis rdzas bzung nas/ hU~M phaT kyi yi ge bri bar bya'o/ /de nas/ a ho su kha~M zhes brjod par bya'o/ /de nas 'di brjod par bya ste/ de ring
bdag gis sangs rgyas kyi ye shes bskyed par bya yis/ gang gis 'das pa dang ma 'ongs pa dang da ltar byung ba'i sangs rgyas bcom ldan 'das rab tu mi gnas pa'i mya ngan las 'das pa thob par 'gyur gyis/ 'on kyang khyod kyis dkyil 'khor ma mthong ba rnams kyi mdun
du 'di smra bar mi bya'o/ /de nas slob ma'i snying gar ral gri bzhag nas/ 'di skad brjod par bya ste/ gal te smras na de yi tshe/ /shin tu rno ba'i ral gri 'di/ /khro bo gtum po'i phyag na gnas/ /gang gis dam tshig 'jig byed pa/ /de la 'di yis mchog tu gcod/ /

307a - 308a