skye bo bzang po dang 'grogs 'dir/ /blo ldan 'jig rten la phan dga'/ /de la 'dir chu'i dbang ni/ slob ma dri ma dang bral zhing shel dag pa bzhin du bsams nas/ rnam par rgyal ba'i bum pa nas chu blangs te/ lo ma dang bcas pa'i lag pas/ o~M sarba ta
thA ga ta a b+hi She ka ta sa ma ya shri ye hU~M/ /zhes pa 'dis dbang bskur bar bya'o/ /de la 'dir dbu rgyan gyi dbang bskur ba ni gos la sogs pa la byas pa'i dbu rgyan rin po che kun las grub par bsams nas/ slob ma yang 'khor los sgyur ba ltar bsams nas/ mgo bor dbu rgyan sbyin par
bya'o/ /sngon bzhin du dbang bskur bar bya ste/ o~M tsaN+Da ma hA ro Sha Na A bi sha A bi sha a s+ya hr-i da ya~M hU~M phaT/ de la ral gri'i dbang bskur ba ni/ lcags la sogs pa'i rang bzhin las ral gri de'i lag pa g.yas su byin nas/ sngon bzhin du dbang bskur bar bya ste/ o~M ha na
ha na/ mA ra ya mA ra ya/ sarba sha trU~M dz+nyA na khaD+ga hU~M phaT/ de la 'dir zhags pa'i dbang bskur ba ni/ zangs ma la sogs pa las byas pa'i zhags pa de'i sdigs mdzub dang bcas pa'i lag pa g.yon par byin nas/ sngon bzhin du dbang bskur bar bya ste/ o~M gr-ih+Na gr-ih+Na/ /ka
ha ka ha/ kaD+D+h+ya kaD+D+h+ya sarba duSh+TAM pA she na ban+d+ha ban+d+ha/ ma hA sa t+ya te d+ha r+m+ma te swA hA/ de la 'dir ming gi dbang ni/ slob ma khro bo gtum po chen po'i phyag rgya ru nye bar bkod nas/ de'i rnam par sems kyis dmigs te/ o~M he shrI b+ha ga ba na kr-iSh+NA ce la sid+d+he s+t+waM hU~M phaT/ de nas sngon bzhin
du dbang bskur bar bya'o/ /de bzhin du sgrub pa pos nag po la sogs pa'i dbye bas/ mi g.yo ba rnam pa lnga'i ming gis dbang bskur ba sbyin par bya'o/ /zhes bya ba ni dbang lnga'o/ /bud med rnams kyi dbu rgyan gyi dbang bskur ba bzhag nas/ sin d+hu ra'i dbang bskur ba
sbyin par bya'o/ /rgyal srid kyi lha mo chen mo'i tshul du slob ma dmigs te/ o~M b+ha ga wa tI A bi sha A bi sha a s+ya hr-i da yaM hU~M phaT/ lcags la sogs pa'i gri gug de'i lag pa g.yas su sbyin par bya'o/ /o~M karti ke sar+b+ba mA rA NA~M mA~M sa~M kArta ya kArta ya hU~M phaT/ lag pa g.yon

306b - 307b