dpa' bo gcig nyid rgyud 'di ni/ /gtum po khro bo shin tu gsang / zhes pa ni dpa' bo gcig pa nyid du gsungs pa'i/ dpal khro bo gtum po chen po'i rgyud las rgyud la 'jug pa'i rim par phye ba zhes bya ba ste dang po'o// //de nas bcom ldan 'das ma zhe sdang
rdo rje mas/ gtum po chen po khro bo la dam du 'khyud nas gsol pa/ dkyil 'khor gyi ni bya ba la/ /gang gi tshad kyis bri bar bya/ /de bzhin de dbus bri bya ba/ /gang yin gtso bos bdag la gsungs/ /de nas bcom ldan 'das kyis bka' stsal pa/ /dkyil 'khor tshad du
gang gyur pa/ /khru gang dang ni khru do dang / /khru gsum pa dang khru bzhi pa/ /khru lnga'i tshad las lhag mi bya/ /gang du de yi rdul tshon nyid/ /kha dog sna tshogs kyis byas pa/ /gru bzhi pa la sgo bzhi pa/ /rta babs bzhi yis rnam par brgyan/ /sgo ni brgyad cha nyid du ni/ /de yi tshad du
rab tu brtag /sgo yi tshad kyis sgo khyud dang / /de yi phyed kyis 'gram dang ni/ /logs dang de bzhin stegs bu dang / /dra ba dra phyed snam bu rnams/ /rtsa ba'i thig gi phyi rol du/ /de yi byed kyi rdul tshon sa/ /rdo rje'i phreng ba nyid dang ni/ /ka ba brgyad ldan brtag par bya/ /sgo
yi sum 'gyur nyid kyis ni/ /sgo yi rta babs mchog tu bya/ /mchog tu sna tshogs rdo rje bri/ /rdo rje'i ra ba khor yug ldan/ /dpag bsam shing sogs dang ldan pa/ /khro bo gtum po'i dkyil 'khor la/ /dkyil 'khor 'khor lo'i rnam pa la/ /'phar ma gcig pa
nyid du bya/ /de yi shar phyogs phyogs brgyad la/ /sna tshogs pad+ma yang dag bri/ /dbus ma dang dgu de dbus su/ /ral gri sngon po rdo rjes mtshan/ /rdo rje gri gug thod bcas 'og /shar du 'khor los mtshan pa yi/ /ral gri kha dog dkar po bri/ /lho ru kha dog ser po yi/ /
rin chen dang bcas yang dag bri/ /nub tu kha dog dmar po yi/ /pad+ma dmar pos mtshan pa dang / /byang du ral gri rkyang pa yi/ /kha dog ljang khu yang dag khri/ /'khor lo dkar pos mtshan pa yi/ /gri gug me yi mtshams su bri/ /rin chen ser pos rab mtshan pa/ /bden

305a - 306a