mig la hrI/ sna la he/ rna ba la haM/ lce la ho/ /snying gar hU~M/ yan lag drug tu bkod pa'i sngags so/ /oM hrIHha na ha na/ sarba sha trU~M ma tha ma tha/ ban+d+ha ban+d+ha hU~M a mu ka/ sang g+hA ta ya g+ha ta ya/ hU~M hU~M hU~M/ phaT phaT phaT/ phu phu/ 'di ni bsgrub
pa thams cad kyi sngags so/ /ba dan gsum pa'i phyag rgyas ni/ /yan lag drug tu dgod par bya/ /ba dan gsum pas snying gar sbyin/ /dpung pa kun nas brkyang byas la/ /se gol gyi ni sgra dang ni/ /hU~M gi rnam pa lhan cig sbyar/ /g.yas brkyang ba
yis yang dag gnas/ /'dir ni mchog gi phyag rgya'o/ /slob dpon la ni dmod pa dang / /dam tshig spyod la 'phya ba dang / /dkon mchog gsum la gnod byed pa/ /sdig gis gos par mi 'gyur ro/ /skye ba bye ba brgya stong du/ /sangs rgyas
ye shes kyis bskul zhing / /dge ba'i bshes gnyen bsten pa yis/ /rnal 'byor gtsug lag phrad pa'o/ /sems can thams cad skyon med cing / /sems can thams cad bde gyur cig /gang gis lam nas 'gro ba yis/ /
sangs rgyas nyid du grub gyur cig /ma bsgral ba rnams bsgral ba dang / /ma grol ba rnams bdag gis dgrol/ /de ltar rjes su brtse ba'i phyir/ /rnal 'byor bstan bcos 'di bgyis so/ /gdan bzhi pa las sbyor ba'i rab
tu byed pa gdan bzhi'i le'u zhes bya ba rdzogs so// //dpal gsang ba thams cad kyi rgyud ces bya ba 'di ni/ paN+Di ta smr-i ti dz+nyA na kIrtis gsar du bsgyur nas bshad cing gtan la phab pa/ de ltar na rgyud 'di'i le'u sil bu rnams phyogs gcig tu bsdoms na
le'u brgya dang bzhi bzhugs so/ /slad nas bu ston thams cad mkhyen pa'i thugs dam rgyud 'bum dang dpe dpang rnying pa dag dang yang gtugs te/ sdebs zhus dang bcas pa ches shin tu dag par bgyis so// //

303b - 304b