mdzad/ /rnal 'byor pa gang sngo bsangs che/ /de yi lha ni don yod nyid/ /rnal 'byor pa gang ser po che/ /rin chen bdag po rigs kyi lha/ /rnal 'byor pa gang dkar dmar nyid/ /'od dpag med pa rigs kyi lha/ /rnal 'byor pa gang dkar dang ser/ /de ni sems
dpa'i rigs su 'gyur/ /skye bo rnal 'byor mthar phyin pas/ /nga rgyal mi bcag tho mi btsam/ /kun rdzob gzugs su gnas nas ni/ /de rnams bde gshegs rigs su 'gyur/ /bud med rnams kyi mtshan nyid ni/ /ji ltar skyes pa der bzhin no/ /kun rdzob tha snyad tshul las ni/ /de yi rigs
su'ang de 'gyur ro/ /b+ha gar ling ga'i 'o mdzad nas/ /de la rdo rje che mnyes nas/ /bdag med ma yis go mdzad pa/ /lha mo rab tu mchod pa nyon/ /tshal dang skye bo med gnas dang / /bdag gi khyim gyi nang du yang / /gcer bu phyag rgya cher byas nas/ /rnal 'byor rig pas rtag tu mchod/ /'o dang
'khyud pa byas nas ni/ /de bzhin b+ha gar reg pa nyid/ /skyes pa'i sna ni gzhib pa nyid/ /ma mchu'i sbrang rtsi btung ba nyid/ /rtag tu myos pa'i mtshan ma las/ /bo la ldan pas lag pas bya/ /khyogs dang brla zhes bya ba dang / /de bzhin shin tu bkal ba yi/ /yang yang rdo rjes 'dod pa bya/ /
steng dang 'og tu lta ba nyid/ /dngos grub rgyas pa thob pa ste/ /sangs rgyas kun dang mnyam par 'gyur/ /de la ga bur btung bar bya/ /de la ga bur rgyu yi phyir/ /sha ni bza' ba nyid du bya/ /khyad par du ni chang nyid do/ /kye'i rdo rje las lhan cig skyes pa'i sbyor ba don gyi le'u zhes bya ba ste bcu gcig
pa'o// //de nas rdo rje can gyis dbang / /bzhi pa'i tshigs bcad bka' stsal pa/ /rdo rje rab gnas rdo rje nyid/ /che dang dril bu chen po bzung / /de ring rdo rje slob dpon 'gyur/ /slob ma bsdu ba nyid du gyis/ /ji ltar 'das pa'i sangs rgyas kyis/ /byang chub sras rnams dbang bskur ba/ /bdag
gis gsang ba'i dbang gis ni/ /sems kyi rgyun gyis dbang bskur ro/ /lha mo dga' sbyin gnas sbyin me/ /sna tshogs gzugs can yid 'ong ma/ /khyer cig khyer cig sems dpa' che/ /khyer la mchod pa dag tu gyis/ /ye shes 'di ni ches phra zhing / /rdo rje nam mkha'i dkyil lta bu/ /rdul bral

29a - 30a