bsregs pa las ma spangs pa yin/ /gong 'og rim pas dbye ma spangs/ /a bad+hU tI log min gnas/ /gnas dang gnas chen ma spangs pa/ /de nyid phyi dang nang du nges/ /phyi nang dbye ba ma spangs pa'o/ /stong pa dang ni gzung 'dzin char/ /'pho ba ma spangs a dang ha~M/ /rten ma spangs
te rtog pa la/ /sems 'phros de nyid rang rig sgom/ /shor ba ma spangs par rig la/ /dbang po'i sgo bsdu ngo ma spangs/ /rtog bcom gnyen po ma spangs pa'o/ /rang rig spyi la sems pa las/ /sngon 'gro ma spangs ma spangs brgyad/ /bla ma'i zhal nas shes par bya/ /spyi dang rang gi mtshan
nyid la/ /'pho ba ma spangs rang rig bsgom/ /phyag rgya ma spangs rang rig las/ /phrin las nyi shu rtsa bzhi 'byung / /las ma spangs te gzhan rnams ni/ /bla ma'i zhal nas shes par bya/ /dad med bla ma ma bsten dang / /bla ma dam pa ma rnyed dang / /ma spangs ngo bo ma shes par/ /rang rig
'bras bu gang 'dod pa/ /de dag mi shes dri mas bsgribs/ /dper na sbrul gyi 'o ma bzhin/ /de nas nges pa lnga yang / /rgyu dang rkyen dang gnas dang yang / /gtad pa grangs dang rim/ /nges pa bdun ni gzhan du gsungs/ /sngags ni spros bcas spros med nges/ /rkyen ni ye shes
me rlung nges/ /rgyu 'bras gnas ni a ha~M nges/ /dbang bzhi gong 'og khyad par nges/ /sun 'byin gnyen po nges pa dang / /ngo bo nges dang dbye ba nges/ /las nges pa dang lnga ste/ /de las byung ba'i nges pa dag /bcu bdun bla ma'i zhal nas shes/ /ma spangs pa dang nges pa yi/ /mtshan nyid
yongs su shes gyur na/ /'khrul pa dang ni 'khrul pa'i gzhi/ /thams cad 'di yis spong bar byed/ /'jig rten 'jig rten 'das pa yi/ /dngos grub thams cad 'di las 'byung / /gong bu chu dang gzugs su gnas/ /de bzhin gzugs las 'das pa ste/ /gnas pa rnam pa bzhi ru yang / /
rgyud ni nges pa kho na ste/ /rgyud ni dbang po'i ngo bor gnas/ /de phyir dngos grub 'dod pas kyang / /'bad pas bla ma mnyes bya ste/ /rgyud kyi ngo bo dbang rnams dang / /de yi man ngag shes par bya/ /bla ma mnyes par ma byas shing / /dbang rnams thob par ma byas par/ /nyan pa la sogs byed

228a - 229a