tshig chen po'i rgyud kyi tshad/ /drug cu yi ge nyi shu gcig /gsang ba rdo rjer rab tu grags/ /drug cu rtsa gnyis mi 'gyur ba/ /bcu drug stobs po che yi tshad/ /bzhi bcu rtsa gcig yi ge lnga/ /nam mkha' chen po'i tshad yin no/ /drug cu rtsa drug yi ge drug /ye
shes 'bar ba'i ldang tshad do/ /sum cu rtsa drug yi ge dgu/ /ye shes phreng ba'i tshad yin no/ /sum cu rtsa bzhi nyi shu bzhi/ /mkha' 'gro gsang ba'i tshad yin no/ /sum cu rtsa bzhi bcu bzhi dag /me yi phreng ba'i tshad yin no/ /nyi shu rtsa gnyis brgyad dag /ye shes
rgyal po'i ldang tshad do/ /bdun cu rtsa brgyad rkang pa phyed/ /chags pa'i rgyal po'i tshad yin no/ /tshigs su bcad pa nyi shu lnga/ /ye shes bsam pa'i ldang tshad do/ /dgu bcu go brgyad las byung ba/ /ye shes gsang ba'i tshad yin no/ /nyi shu thams pa gang yin pa/ /
gsang ba rdo rje rgyal po'i tshad/ /brgya dang nyi shu rtsa gnyis ni/ /rdo rje rgyal po ra li'i tshad/ /lnga bcu rtsa gsum yi ge bcu/ /dur khrod rgyan gyi ldang tshad do/ /sum cu rtsa gsum yi ge ni/ /bcu drug mkha' 'gro ma sdom tshad/ /lnga bcu yi ge lnga las/ /byung ba gsang
ba bdud rtsi'i rgyal/ /bzhi bcu yi ge nyi shu bzhi/ /nyi ma'i 'khor lo'i gzhung tshad do/ /sum cu yi ge bcu drug las/ /byung ba zla ba'i phreng tshad do/ /de nas nges par bshad bya ste/ /gsang ba'i 'khor lo gang ston pa/ /gsang ba'i rdo rje'i dam tshig dag /ston pa dam
tshig chen por nges/ /dgra drug ston pa stobs po che/ /dbang bzhi dgag sgrub gsang ba gcod/ /rang rig de ston bsam mi khyab/ /yi ge gsum ston rin chen 'bar/ /sgo gsum lam ston nam mkha' mnyam/ /bcom ldan la sogs the tsom med/ /ston pa
nam mkha' chen po ste/ /dbang bzhi'i de nyid gang ston pa/ /ye shes gsang ba'i rgyud du nges/ /lta spyod rmad du gang byung ba/ /ston pa ye shes phreng bar nges/ /gleng bslang rnam pa lnga yi don/ /ston pa mkha' 'gro gsang ba'i rgyud/ /he ru ka dpal gang ston pa/ /

223b - 224b