dri med sman dang snum ldan pa'i/ /zug rngu mi skyed mchod rdzas kyis/ /bai ro tsa na'i lam du mchod/ /dri zhim chu yis khrus byas te/ /khrus kyis lus la mchod pa dbul/ /sman dang snum gyi phye ma yis/ /sgo gnyis dag tu mchod pa dbul/ /shin tu dro ba'i me dag gis/ /
gtum mo'i me la mchod pa dbul/ /rked pa'i tshad mnyam ka ti ka/ /gdan khri bstab pa'i mchod pa dbul/ /de yis 'drongs par gdon mi za/ /de nas rgyas par bya ba yang / /gzhan ni gong dang 'dra ba ste/ /phyi nang 'dod pa'i mtshan ma kun/ /rgyas par byed pa'i las yin te/ /
rgyas pa'i sbyor ba gsum byas na/ /dper na me tog pad+ma bzhin/ /de nas dbye ba'i rim pa yang / /gong du gsungs pa thun mong ste/ /dus gsum lce yi rtse mos kyang / /bskyod na nges par kha 'byed do/ /de nyid gsum ni me rang bzhin/ /me 'bar ba yi rkyen gyur pa/ /rlung nyid
yin par gsungs pa ste/ /rkyen des me nyid 'bar bar bshad/ /gzhan yang rkyen gyi bye brag dang / /srog rtsol rlung ni dbu mar dgag /bum pa zhabs med rlung phul nas/ /sgo dgu phyi rol drag tu bud/ /lus kyi ngal dub cha mnyam ste/ /sbyor ba rdzogs na bde ba'i rkyen/ /
bde ba las ni rdo rje 'chang / /bde ba yis ni bde ba 'grub/ /rgyu bde ba las 'bras bu bde/ /rgyu yi nang na 'di mchog la/ /'bras bu'i nang na 'di mchog go/ /de nas bde ba'i rkyen gyur pa/ /srid pa dgag dang rlung dgag pa/ /gnas nas gnas su rten gzung ste/ /g.yas
brkyang bas ni ro ma dgag /dpa' bo g.yas nas mkha' 'gro g.yon/ /g.yon brkyang bas ni rkyang ma ste/ /sa gas kun 'dar ma ru gzung / /de bzhin zlum pos dbu mar gzung / /de dag kun gyi bye brag kyang / /dpa' bos g.yas dang gzhan gyis g.yon/ /de bzhin kun la sbyar bar
bya/ /gzhan yang gzung ba'i bye brag kyang / /dril can bu gu dgu lam gyis/ /rlung rgyu phyi ru bus byas te/ /rkang lag drag tu bsgrims byas na/ /zin par 'di la the tsom med/ /dpa' bo mkha' 'gro ma gnyis kyis/ /thun mong du ni bya bar gsungs/ /bai ro tsa na las kyi

222a - 223a