@##/ /rgya gar skad du/ shrIdz+nyA na dz+wa la tan+t+ra rA dza/ bod skad du/ dpal ye shes 'bar ba'i rgyud kyi rgyal po dpal kun tu bzang po la phyag 'tshal lo/ /kye ma sangs rgyas kye sangs rgyas/ /ngo mtshar rmad du byung ba yi/ /rgyud ni gang lags rgyal po gang / /
ye shes gang lags 'bar ba gang / /dpal ni gang lags bdag la gsungs/ /'jigs byed chen pos bka' stsal pa/ /dpal ni gnyis med ye shes te/ /gnyis med bde chen ro las byung / /gzung 'dzin mtha' spangs rang rig go/ /sna tshogs mdud pa ye shes
che/ /rang byin brlab pa lte bar te/ /dkyil 'khor 'khor lo gsang bar ro/ /smin mtshams kyi ni mdzod spu ltar/ /thung du gnas shing ring du 'gyur/ /de nyid drang dang kha dbye dang / /rgyas par bya ba gsum yod de/ /dang por drang ba'i rnam pa yang / /'drongs pa'i
tshad ni gsum yod de/ /sgo gsum yon tan gsum ldan na/ /sor bzhi phyi ru 'byung bar nges/ /'bring la sor gnyis tha ma la/ /sor dang nas kyi tshad kyis 'byung / /sbom phra gzhan skyes phra mo tsam/ /dang po bya gdong nyid na gnas/ /rnam thar sor gnyis skye mched bzhi/ /
stong pa bcu drug khams brgyad/ /nyi shu lte bar nyi shu lnga/ /snying ga ru ni gnas pa'o/ /sman la sogs pa kun ldang bas/ /drang ba'i sbyor ba brtsam par bya/ /rnam snang sku rags bcing ba dang / /rgyab yol dbul dang mchod pa dbul/ /gdan khri dbul dang sku khrus dbul/ /
sman mchod dbul dang me mchod dbul/ /de nas reg bya'i mchod pa dbul/ /kun rdzob lce yi rtse mo 'am/ /khro bo mdzub mo'i rtse mo la/ /bdud rtsi ril bu legs byas te/ /mkhas pas reg bya'i mchod pa dbul/ /mngon du shes pa gdon mi za/ /bde ba chen po'i mchod pa
yis/ /khams gsum mchod pa gdon mi za/ /dar ram men tri sor bzhi'i tshad/ /rked par ska rags dbul bar bya/ /sprul pa'i g.yas dang g.yon gnyis su/ /ras bal la sogs rgyab yol dbul/ /shing bu rigs dang mthun pa yin/ /sbom phra rigs kyi bdag po tsam/ /
221b - 222b