rgyal po'i lta spyod kyis/ /'khor gyi dpa' bo mkha' 'gro tshogs/ /dus dang brgyal dang 'gyel gyur pas/ /dbugs dbyung ba yi ting 'dzin gyis/ thams cad dran pa slar rnyed nas/ /thams cad mgrin gcig 'di skad gsol/ /dngos po ro mnyam gyur pa yi/ /
lta ba 'di yang ngo mtshar che/ /g.yeng bas g.yeng ba spang ba yi/ /spyod pa 'di yang ngo mtshar che/ /chos rnams stong par ro mnyam na/ /lta dang mi lta ga la yod/ /gtsang sme bdud rtsi ro gcig la/ /spyod dang mi spyod ga la yod/ /dbang bskur ba dang rdo rje 'dzin/ /
mnyam gzhag rjes thob ga la yod/ /thams cad sems kyi ngo bo la/ /gzung dang 'dzin pa ga la yod/ /'jigs byed chen pos bka' stsal pa/ /'khor ba thog ma med pa nas/ /lhan cig skyes pa'i sgrib g.yogs kyis/ /rin chen sems ni dri can byas/ /zla ba
rab rib sel byed de/ /mig gis rang gi rdul mi mthong / /sems kyis de nyid ma rtogs par/ /tha dad gzung 'dzin sna tshogs 'dzin/ /de phyir lta ba'i rgyal po bstan/ /mi shes pa yi rab rib kyis/ /bdud rtsi'i de nyid ma shes te/ /gtsang dang mi gtsang la
sogs brtags/ /de phyir spyod pa'i rgyal po bstan/ /gnas pa'i rkyen dang g.yeng ba'i rkyen/ /de phyir zung 'jug rgyal po bstan/ /rkyen dang dbang po rab 'bring gis/ /mnyam gzhag rjes thob rgyal po bstan/ /mi shes pa yi rab rib kyis/ /'khrul pas
gzung 'dzin gnyis su brtags/ /de phyir sems kyi rgyal po bstan/ /lta spyod 'di la nan tan gyis/ /de nas thams cad dga' zhing mgu nas yi rangs te/ phyi nang gi mchod pas mchod nas mi snang bar gyur to/ /dpal ye shes phreng ba'i rgyud kyi rgyal po
lta spyod zung du 'jug pa rdzogs so// //rnal 'byor ma tsan+d+ra mA la dang / dge slong shAkya ye shes kyis bsgyur ba'o// //

221a - 222a