mar gyi snying po dang sbyar te/ /spyi bo'i gtsug tu sba ba dang / /'di ni rat+na de ba sar/ /skra dkar med par byed pa'o/ /de nas yang dag bzhi pa yang / /de ni margad ljang gu ste/ /dbyibs ni gru bzhi lta bu ste/ /don yod grub par byin brlabs te/ /rab ni be con dbyug pa
tsam/ /'di ni rat+na ga ga ni/ /rtsa ba lnga dang yan lag bcas/ /bskus la rna ba g.yon du gdags/ /'di yis byang gi gdon rnams thub/ /'bring ni bya mo'i sgo nga tsam/ /ma hA de ba u ma de/ /gnyis kyi ga pur rak+ta yis/ /byugs la lte ba'i nang du gzhug /ga pur sih+la
gnyis ka 'dzin/ /tha ma gzhan skyes sgo nga tsam/ /ldong ros ser po gser dang gsum/ /man cha gcig ni byin nas ni/ /'di ni e ru na ra ste/ /srin bu mi skye bde dang ldan/ /'di ni rat+na san+da ha/ /de nas yang dag lnga pa yang / /kha dogs dbyibs ni du mar snang / /rnam par snang
mdzad byin brlabs te/ /don rnams so so du ma byed/ /lha mos gsol pa bcom ldan 'das/ /ma 'ongs so so skye bo yis/ /rin chen gnas rnams gang las btsal/ /rin chen mi 'tshal ji ltar lags/ /rin po che ni ji ltar brtag /bcom ldan 'das kyis bka' stsal
pa/ /rgya mtsho chen po'i phyi rol na/ /rin po che yi gling yod de/ /de yi gnas nas btsal bar bya/ /gzhan yang rin chen gnas rnams ni/ /gser dngul la sogs rdo rnams kyi/ /gnas ni kun na yod par gsungs/ /rin chen shes pa rnam pa lnga/ /dang por rgyud rnams thams
cad la/ /rmongs pa med pas shes pa dang / /bla ma'i man ngag shes pas thob/ /gnyis pa rnal 'byor bcas pas shes/ /gsum pa rgyud kyi man ngag la/ /zhugs pa'i tshong dpon chen pos shes/ /bzhi pa yon tan kun ldan pa'i/ /rgyal po chen po des shes so/ /lnga
pa rnal 'byor mkhas pa dang / /rgyal po dang ni 'brel pa yi/ /gser mgar mkhas pas rtogs par 'gyur/ /lha mos gsol pa bcom ldan 'das/ /dang po'i man ngag ji ltar yin/ /gnyis pa rnal 'byor ji ltar lags/ /gsum pa rgyud ni ji ltar lags/ /bzhi

209a - 210a