mi snang bar gyur to/ /mkha' 'gro ma dra ba'i sdom pa sku gsung thugs kyi rgyud kyi rgyal po rdzogs so// //paN+Di ta ga ya d+ha ra dang / lots+tsha ba dge slong shAkya ye shes kyis bsgyur ba'o// //
@##/ /rgya gar skad du/ shrI rat+na mA la tan+t+ra rA dza/ bod skad du/ dpal rin chen phreng ba'i rgyud kyi rgyal po/ dpal bde ba chen po la phyag 'tshal lo/ /lha mos gsol pa rdo rje 'dzin/ /dpal ldan 'khor lo sdom pa ru/ /rin chen phreng ba'i don ma rtogs/ /
khyod kyis bdag la bshad du gsol/ /bcom ldan 'das kyis bka' stsal pa/ /nyon cig lha mo spyan bzang ring / /dpal ldan 'khor lo sdom pa ru/ /ma gsungs nga yis khyod la bshad/ /rin po che ni rnam pa gsum/ /de yi phreng ba'ang rnam pa gsum/ /dang po snod kyi
rin po che/ /gnyis pa bcud kyi rin po che/ /snod bcud gnyis dang rang bzhin bral/ /de ni rin chen gsum pa yin/ /lha mos gsol pa bcom ldan 'das/ /rnam pa gsum du gsungs pa las/ /de rnams rin chen ji ltar lags/ /de yi phreng ba ji ltar lags/ /
de rnams su yi spyod yul lags/ /bcom ldan 'das kyis bka' stsal pa/ /dang po snod kyi rin po che/ /rnam pa lnga ru shes par bya/ /ka ka ru ni dkar po che/ /mi bskyod pa yi byin brlabs te/ /dbyibs ni zla gam lta bu la/ /rab ni ngang pa'i sgo nga tsam/ /'di ni rin
chen 'bar ba ste/ /ba dkar ra dkar lug dkar mo'i/ /'o ma bsku zhing sbangs pa dang / /mi bskyod pa la mchod par bya/ /de ni spyi bor gdags pa'o/ /mchod pa'i bye brag kun la bya/ /shar gyi gdon rnams thub pa dang / /gang la yod pa de la skyob/ /'bring ni
gzhan skyes sbom po tsam/ /'di ni rin chen dge ba ste/ /dngul chu rnam pa gnyis blugs la/ /rkyen gyi rdzas rnams tshang ba dang / /kha yi nang du gzhug pa ste/ /ro ma'i 'khor lo lces mnan la/ /de nas dal gyis bskyod pa dang / /gsang ba'i rdo rje sna rtse ru/ /bde ba chen po

208a - 209a