po'i rgyun ni gang / /nyin dang mtshan mor ltung ba ni/ /mA ma kI ni de chad do/ /go ku la sogs mig la sogs/ /nyi ma re re bzhin spro bas/ /sha gzhan re 'ga' yang ma yin/ /bdud rtsi lnga rnams bsten pa ni/ /rang gi rigs kyi sar song
ba/ /lha rnams dag ba'i lus las so/ /stong pa'i sems de rtsod pa yis/ /lhan cig skyes pa khyab bde bas/ /de ni skye gnas 'khrig pa med/ /nor gyi sbyin pa btang ba dang / /bud med sbyor la yid kyis ni/ /mi 'dzag pa ni tshul khrims so/ /bzod
pa sgra sogs mi 'jug pa/ /gnyi gar 'gro ba'i le lo ni/ /rnam par 'jig pa brtson 'grus so/ /bsam gtan shes rab sems dang ni/ /bde ba lhan cig par song ba/ /kun 'gro thams cad brjod pa'o/ /sems can don du de rdzu 'phrul/ /srid pa don ni
med byed pa/ /thob pa gzhan ni bzhi pa'o/ /lus gcig la ni nus ldan pa/ /cha dgu dang ni lhan cig pa/ /nyi shu rtsa lnga bdag nyid sogs/ /bsam gtan phyag rgya'i gnyis dag nyid/ /cung zad tsam gyi nyi ma yis/ /dngos grub yang dag 'byung bar 'gyur/ /
zhi ba dbang dang rengs pa dang / /srid pa 'jig par byed pa ni/ /zhal gyi dbye bas phye ba nyid/ /'byung ba rnams kyi dkyil 'khor gnas/ /lha min lag 'gro dag gi rigs/ /'di bsgoms nas ni bsgrub par bya/ /dpal dam pa dang po'i sangs rgyas stong phrag
bcu gnyis pa las gsungs pa dpal dus kyi 'khor lo zhes bya ba las thabs dang shes rab gnyis su med pa/ sbyor ba yan lag drug pa'i sgrub thabs bkol ba'i dum bu'o/ /rgya gar gyi mkhan po shrI b+ha dra bo d+hi'i zhal snga nas dang / /bod kyi lots+tsha ba gyi jo ban+de zla ba'i 'od zer
gyis 'bro dge slong gi phyir bsgyur cing zhus te gtan la phab pa// @#/ /rgya gar skad du/ she ka pra kri ya/ bod skad du/ dbang gi rab tu byed pa/ thugs rje chen po 'phags pa spyan ras gzigs la phyag 'tshal

145b - 146b