mkha' tsam zhig ston cig bdag gi rigs kyi mya ngan 'das pa long zhig bu zhes gsung / /sems can rnams kyi bsam pa'i dbang las rgyal bas srin po rnams la gso sbyong gsal bar mdzad/ /de rnams de yis sangs rgyas nyid na thub pa'i bka' yi
gsang sngags theg pa bden ma yin/ /gang zhig bskal pa dpag med byams dang dge bcu'i lam dang sbyin dang tshul khrims rab rdzogs pas/ /rdzogs sangs rgyas dang byang chub sems dpa' stobs bcu ldan pas sangs rgyas byang chub lung bstan to/ /mo gsham bu ni lus
med ma lus yon tan rang bzhin gang zhig rdul phran 'dus pa rnams/ /srog ni nam mkha'i me tog min te gong du rags pa'i lus la zhugs nas klog cing dgod/ /srog chags bya rog rwa min bsod nams sdig pa'i dbang gis gang zhig 'gro ba rnams su 'khor/ /srog
chags gang zhig rdul phran phung po'i lus ni sa stengs 'chi ba'i tshe na mi ltung med/ /rgyud kyi rgyal por stobs bcu'i stobs dang ldan pas sangs rgyas pa yi gang zhig lam bstan pas/ /rgyal ba stobs bcu ldan dang ston pa'i sras dang sangs rgyas pa yi lha klu dri za lha min dang / /khro
bo srin po sha yi dam tshig can dang stag gzig rnams dang mu stegs spyod pa rnams/ /de kun sham+b+ha la zhes bya ba rgyal mchog bzhugs gnas der ni nyi ma bdag gis bsten/ /dpal ldan 'bras phung chos kyi dbyings su stobs bcu mnga' bas gang zhig bdud rnams btul mdzad
pa/ /de kun sham+b+ha la yi dpal ldan ka lA pa yi skyed mos tshal gyi dus 'khor gyi/ /don chen gser gyi dkyil 'khor khang pa'i sgo yi phyi rol thub pa nyi ma'i shing rtas dris/ /dpal ldan 'jam dbyangs rin chen seng ge'i khri la bzhugs pa stobs bcu mnga' ba'i mdzad
spyod gsungs/ /dpal dang po'i sangs rgyas kyi rgyud las phyung ba'i dpal dus kyi 'khor lo'i rgyud phyi ma rgyud kyi snying po rdzogs so// //shAkya'i dge slong gnyen chung d+harma grags kyis bsgyur ba'o// //

143b - 144b