bar gyi skye dgu nyin dang mtshan du zhi dang rgyas 'gyur ba/ /thog mar dbus su bsgrub bya'i ming dag rang bzhin yon tan dbang las pad+ma lnga yis bskor/ /gang zhig rang bzhin yon tan dbang las sa dag kha sbyar zur brgyad de bzhin phyi rol du/ /gang zhig zur rnams dar
dpyangs bcing ba phyogs dang phyogs mtshams de las rdo rje phreng bar 'gyur/ /rgyal chen phyogs kyi zur la ma lus yon tan rang bzhin ri yi rgyal po phyogs dang mtshams rnams su/ /de nang zlum po'i snam bu phyogs dang mtshams su de la snod dang rtse mo'i phyed du 'gyur/ /pad+ma'i
ge sar cha la 'dir ni dgra sta lcags kyu zhags pa dang ni dung nyid do/ /chu skyes 'dab mar bsrung 'khor gang zhig snying po yang ni de bzhin gnyis pa gsum par de/ /de ltar pad+ma gnyis la gyur te nye ba'i snying po chu skyes 'dab ma chen por rnam gnyis der/ /klu rnams zung gi bar
du phyogs dang mtshams kyi 'dab mar bar du de bzhin lha dang lha min dang / /gnod sbyin rnams dang gza' dang ma lus 'jigs pa 'joms pa'i ma mo rdo rje mkha' 'gro rnams/ /bsrung 'khor 'dis ni thams cad bsrung bar 'gyur te khrag dang gi wang la sogs rnams kyis bri/ /
rdzogs sangs rgyas dang ma lus rgyal sras rnams kyis bsrung ba lnga sogs bsrung 'khor gsungs pa yin/ /bud med bu 'dod pa las bu dang rgyal po dgra dang g.yul 'gyed pa rnams rgyal bar 'gyur/ /nad pa nad las grol bar 'gyur te sa yi steng du dbul po rnams
kyis nor rnyed 'gyur/ /skyes pa bud med rnams kyis 'bras bu ster bar gyur pa sngon gyi bsod nams mthu yis so/ /bsod nams sems can rnams la phan btags dge bcu'i lam gyis mchod las nam mkha' sogs las min/ /bram ze gang zhig chang 'thung 'gyur
dang gcer bu pa'am ral pa can nam dbyug gu can/ /dge tshul dang ni tshogs dpon dge slong dge ba rnam par bral ba grub mtha'i spyod pa nyams/ /sum cu'i dam tshig can gyi mi yi dbang pos de rnams yul nas bskrad par bya/ /gang phyir de dag rnams kyis dge dang mi
142b - 143b