bsgyur dang bcas pa'i bar/ /yang nas yang du nga yis rtsod pa'i dus der byung nas de rnams gzhig par bya ba nyid/ /ji srid sa dang chu dang me rlung nam mkha'i yon tan nam mkha' nyi zla skar ma rnams/ /phyogs skyong phyogs kyi gdon dang phyogs lha nam mkha' sa gzhir
bram ze ba glang sogs/ /sa 'og klu dang lha min rnams ni sa yi bdag pos zhi ba'i don du 'di rnams mchod/ /don kun grub phyir rtag tu rgyal po mi dang bcas pas sangs rgyas pa dang rgyal ba rnams/ /sa dang chu dang me dang rlung dang stong pa nyi mar bcas pa mchod rdzas rnams kyis
mchod/ /slob dpon mchog la gzhol bas bsrung ba lnga po rab tu dri zhim me tog rnams kyis mchod/ /sngon du khrus byas gos sngon snga dro gso sbyong blangs pas nyin dang mtshan du nges par gdon/ /klog mkhan bzhi dang lnga pa gang zhig zhi bar byed pas nyin dang mtshan du bya
bar 'gyur/ /slar yang de la bsrung bar bya zhing nyi ma bcu ru zhi dang rgyas pa dag kyang bya/ /zho dang 'bras chan nyi mar rta dang glang po'i gtor ma 'bras chan 'o ma zla ba la/ /'bras chan la sogs mig dmar gza' lhag me tog bcud dang bcas pa 'bras chan gza' lhag la/ /
'bras chan ser po bu ram sogs kyi gtor ma lha yi bla ma 'o thug sha khar gyis/ /pa wa sangs la zan dron mar nag bcas pas spen pa'i nyi ma bdun par de bskyon la/ /nyi ma slar yang phyogs dang glang po rnams kyi gtor ma bya zhing khur ba 'bras chan gyis/ /glang po rta mchog
rnams kyi zhi dang rgyas pa'i don du sbyin sreg nyi ma la sogs gzar/ /'bru dang mar sar so ma dUr ba mda' yi yam shing brgya dang 'o ma'i mchod yon btung / /sbyin sreg rjes la dung phor gang ba'i zhi ba'i chu yis rta dang glang po khrus bya'o/ /la sogs gtor ma sran
chan sha dang chang rnams nyin mtshan dus su sbyin par 'gyur/ /srin po la sogs yungs kar dang ni rdo rje phur bus phyogs mtshams gtogs par pur bus gdab/ /slob dpon gyis ni bsrung ba lnga yi cho gas rgyal po 'khor dang bcas pa bsrung bar bya/ /gang dang gang gis yul mtha'i

142a - 143a