rnams kyi byed po min/ /srog gcod lus dang ngag dang yid kyi rgyu rnams gsum gyis 'grub la de la longs spyod cing / /skyed byed bdag nyid sems kyi rgyal po srog chags rnams ni las longs spyod pas 'jig par 'gyur/ /seng ge sbrul dang ne le stag dang bya rog
skye gnas yan lag lnga yis srog gcod 'gyur/ /rgyal po dang ni skye dgu rnams ni byed dam byed du 'jug dang yi rang gsum gyis 'gyur/ /dge slong snying rje med pas lce la sha yi ro myong ro la rjes su tshol byed cing / /bdag nyid gsod pa la sogs skyon gyis dge
slong rnams dang dge tshul yang ni dmyal bar 'gro/ /dge slong nad pa la ni sman pas sha bstan na yang bya khra rnams kyis gsad pa dang / /pha yi ched du bsad dang mchod sbyin thog dang me dang chu dang ma zhu'i skyon gyis shi ba rnams/ /sbyor ba 'di rnams med par gyur na
gang du de tshe bza' bar bya bar gsungs pa rnams/ /dge slong rnams la sha gang de ni stobs bcu ldan pas nad 'joms phyir yin 'chi bslur min/ /sha la sogs pa zos na nges par sa yi 'og tu lus chen rnams su sdug bsngal 'gyur/ /srog chags
la sogs skye gnas dka' thub khyim pa rgyal po nges par rang khyim du/ /gzhan gyi khyim dang chung ma longs spyod dang ni bu mo gnyen 'dun tshogs dang rang khyim rnams/ /shi ba rnams kyi lus ni gang yin chung ma bu dang bu mo gnyen 'dun tshogs ni gang / /'dir
ni rdo la gzugs dang sgra dang dri dang ro dang reg bya nyid ni rnam par blta/ /tho yor shes pa yod la rang gzhan rnam pa bral ba nyid las rdo ba'i tho yor phung por 'gyur/ /sa steng gnas su srog chags rnams kyi rig pa nyams pa'i lus la'ang yod pa nyid/ /srog
chags rnams kyi srog rgyu ba ni rang gzhan rnam par bral bar legs par sad las shes/ /sham+b+ha la yi nyi ma'i shing rta la sogs phung po khams dang dbang po 'gro ba rnams/ /'gro ba'i gzugs kyi khams la sogs pa phung po thams cad rdul phran rnams kyi rnam

129a - 130a